АҚШнинг Огайо штатидаги Кливленд шаҳрида уч ёшли бола бир ёшли гўдакни отиб қўйди, деб хабар бермоқда ТАСС. Гўдак тезда шифохонага етказилган, бироқ унинг ҳаётини сақлаб қолишнинг имкони бўлмаган.
Болалар ака-ука бўлгани ёки бўлмаганига аниқлик киритилмаган. Воқеа чоғида уйда яна бир неча бола ва камида бир нафар катта киши бўлган. Қуролни қаровсиз қолдирган одам жавобгарликка тортилади.
Қайд этилишича, бундай фожеалар АҚШда вақти-вақти билан бўлиб туради. Жумладан, март ойида Техас штатидаги Хьюстон шаҳрида тўрт ёшли бола энагасининг уйидан топган тўппончадан ўзига ўқ узиб, ҳалок бўлган эди.
Изоҳ (0)