Барак Обаманинг фикрича, Ҳиллари Клинтондан «ажойиб президент» чиқади. Бу ҳақда Echo.msk.ru хабар бермоқда.
«У менинг дўстим», - деди АҚШ етакчиси Америка саммити якунлари бўйича Панамада бўлиб ўтган матбуот анжуманида.
Оқ уй раҳбарининг таъкидлашича, агар Клинтон президентликка номзод бўлиш ҳақидаги қарорини эълон қилса, ўз дастурини аниқ баён қилиб бера олади.
Клинтон 2016 йил ноябрида бўлиб ўтадиган АҚШ президенти сайловида давлат раҳбари ўрни учун кураш олиб бориши ҳақидаги қарорини 12 апрель куни эълон қилиши кутилмоқда. Ҳиллари Клинтоннинг бу борадаги видеомурожаати ижтимоий тармоқларда тарқатилади.
Маълумот учун, Ҳиллари Клинтон АҚШ 42-президенти Билл Клинтоннинг турмуш ўртоғидир. У Обама маъмурияти таркибида 2009-2013 йилларда давлат котиби лавозимида иш олиб борган.
Изоҳ (0)