Россиялик хакерлар Оқ уй компьютер тизимига кириш учун АҚШ давлат департаменти компьютерларидан фойдаланган, дея хабар бермоқда “Сегодня.ua» CNN’га таяниб.
Хакерлар Барак Обаманинг омма учун мўлжалланмаган кун тартиби маълумотларини олишга муваффақ бўлган.
Жиноят ишини тергов қилиш билан ФҚБ, Махфий хизмат ҳамда АҚШ разведкаси шуғулланмоқда.
Киберҳужум бутун дунё бўйлаб жойлашган компьютерлардан амалга оширилганлигига қарамасдан, хакерлар Россия ҳукумати раҳнамолиги остида ишлаган.
Миллий хавфсизлик масалалари бўйича АҚШ президенти ёрдамчиси ўринбосари Бен Родс таъкидлашича, хакерлар Қўшма Штатлар миллий манфаатларига жиддий зарар етказа оладиган маълумотларни қўлга кирита олмаган.
Изоҳ (0)