Аir India авиакомпаниясининг А320 йўловчи самолёти иккинчи учувчиси лайнер Жайпур аэропортида бўлиб, Деҳлига учиб кетишга тайёрланаётганида экипаж командирини учувчилар кабинасида урди, дея хабар бермоқда Meduza.
The Times of India нашри ёзишича, командир унга парвознинг баъзи параметрлари — бортдаги йўловчилар сони, лайнернинг учиш массаси ва ёқилғи миқдорини қайд этишни буюрганида, иккинчи учувчи жанжал чиқарган.
Можарога қарамай, командир парвозни бекор қилмади ва Деҳлига рейсни амалга оширди. Қўниб бўлгач, у авиакомпанияга воқеа ҳақида хабар берди. Айни пайтда тергов бошланган ва ҳар иккала учувчи вақтинча ишдан четлатилган.
Изоҳ (0)