Киев Путин ва Порошенконинг Донбасс ҳақидаги суҳбати бўйича ўз версиясини тақдим этди

Киев Владимир Путинга «Донбассни қўшиб олиш» ҳақида берилган таклиф бўйича ўз версиясини эълон қилди, деб ёзади «РБК».

Украина ташқи ишлар вазирлиги спикери Евгений Перебийнис «Донбассдан чиқиб кетинг» дегани «Донбассни қўшиб олинг» дегани эмаслигини айтди. Бу ҳақда у ўз Twitter’ида ёзиб қолдирди.

"Забирайтеся з Донбасу" не означає "забирайте Донбас", а зовсім навіть навпаки.

— Yevhen Perebyinis (@YPerebyinis) April 6, 2015

«Ушбу тадбирнинг қайсидир иштирокчилари президент билан суҳбатлари мазмунини гапириб бергани яхши бўлмабди. Гаплари ростми, ёлғонми — ўзларининг виждонларига ҳавола. Мени буни изоҳлаб ҳам ўтирмоқчи эмасман», — деди Россия президенти матбуот котиби.

Эслатиб ўтамиз, Forbes вазиятдан хабардор манбаларига таяниб, 19 март куни Россия саноатчилар ва тадбиркорлар иттифоқи идораси бюроси билан ёпиқ учрашувда Владимир Путин бизнесменларга Украина раҳбари Пётр Порошенко унга Донбассни Россия таркибига қўшиб олишни таклиф қилганини, бироқ у бундан бош тортганини гапириб берди, дея хабар берган эди.

«У [Порошенко] менга тўғридан-тўғри: ‘Донбассни олаверинг’, — деди. Мен унга: ‘Ақлдан озганмисиз? Менга Донбасс керак эмас. Агар сизга керак бўлмаса, уни мустақил деб эълон қилинг’, — деб жавоб бердим», — дея Путин гапидан иқтибос келтирди Forbes ҳамсуҳбатига таяниб.