Бразилияда вертолёт уйга келиб урилиши натижасида 5 киши ҳалок бўлди

Бразилиянинг Сан-Паулу шаҳрида вертолёт ҳалокатга учраши натижасида беш киши ҳаётдан кўз юмди, дея хабар бермоқда «Сегодня.ua».

Ҳалокат Карапикуиба туманида 2 апрель, пайшанба куни содир бўлди. Вертолёт реконструкция қилинаётган уйга келиб урилган.

Хабарларга кўра, вертолёт парраги алмаштирилганидан сўнг синов парвозини амалга ошираётган бўлган.

Ҳалок бўлганлар орасида вертолёт учувчиси ва уч механик бор. Маҳаллий ҳукумат авария сабабини аниқламоқда.