Chevrolet компанияси Нью-Йорк автосалонида янги авлоддаги Spark компакт-карини намойиш этди, деб хабар бермоқда «Motor.ru». Янги автомобиль Opel Karl ва Vauxhall Viva моделлари билан умумий платформада қурилган.
https://youtu.be/3Y0pD82Opqc
Янги модель ҳажмининг аниқ ўлчамлари ҳозирча маълум эмас, фақатгина у аввалги моделдан 40 миллиметрга пастроқ эканлиги айтилган, бунинг эвазига аэродинамика яхшиланган. Шунингдек, янги концепт-кар узунроқ ҳам бўлади. Аввалги Spark’нинг баландлиги 1549, узунлиги 3675 миллиметрни ташкил этарди.
Ушбу Spark автомобилларида Opel ва Viva’нинг 1,4 литрли Ecotec двигатели ўрнатилади, яна қандай двигателли версиялар чиқарилиши маълум қилинмаган. Янги Spark 100 километрга 5,8 литр ёқилғи сарфлайди. Модельнинг ташқи кўринишида ҳам ўзгаришлар мавжуд, ички дизайн эса ошкор қилинмаган.
Изоҳ (0)