Словакиянинг AeroMobil компанияси бош директори Юрай Вацулик Остиндаги SXSW конференциясида аэромобилнинг илк сериявий модели 2017 йилдаёқ чиқарилишини маълум қилди, деб ёзади «Mail.ru».
Янги автомобилнинг нархи бир неча юз минг евродан кам бўлмаслиги тахмин этилмоқда. Шунингдек, ушбу инновацион транспорт воситаси эгаси стандарт парвоз қилиш процедурасидан ўтишига ва учувчи гувоҳномасига эга бўлишига тўғри келади.
Эслатиб ўтамиз, Aeromobil 3.0 2014 йил 29 октябрь куни Вена (Австрия)даги Pioneers Festival инновациялар фестивалида намойиш этилган эди. Машинанинг тезлиги ерда соатига 160 километр, ҳавода эса 200 километргача етиши мумкин. Бир соатда у 15 литр бензин сарф қилади.
Изоҳ (0)