Тошкент — катта шаҳар ва унда ҳаракат хавфсизлигини таъминлаш мураккаб иш. Хавфсизликни таъминлаш борасида бир қатор ишлар амалга оширилмоқда. Жумладан, шаҳарнинг бир қанча гавжум чорраҳаларига кузатув камералари ўрнатилмоқда.
Аммо, ҳозир шаҳримиз кўчаларда ҳаракатни тартибли ва хавфсиз деб аташ мушкул. Шундай ҳолатларни кўрамиз-ки, ҳайдовчиларнинг қўполлиги ва қонунни қасддан бузишига тан бериб юборамиз.
Ана шундай ҳоллардан бир нечтаси акс этган видеолавҳа «Дарё» таҳририятига келиб тушди. Уни эътиборингизга ҳавола этамиз.
2 март, 8:59. Кичик ҳалқа йўли ва Бодомзор йўли чорраҳаси. Давлат рақами V 889 RA бўлган оқ рангли Cobalt йўлнинг қарама-қарши йўналишда ҳаракатланиш учун мўлжалланган қисмидан ўнгга бурилди.
2 март, 8:59. Кичик ҳалқа йўли ва Бодомзор йўли чорраҳаси. Давлат рақами 01 E 778 TA бўлган оқ рангли Cobalt йўлнинг қарама-қарши йўналишда ҳаракатланиш учун мўлжалланган қисмидан ҳаракатланди
4 март, 11:03. Grand Mир меҳмонхонаси олдидаги айланма йўл. Давлат рақами 01 N 987 JA бўлган тилларанг Matiz чапдан ҳисоблаганда иккинчи бўлакдан чапга қайилиб, авариявий ҳолат содир этди.
5 март, 17:16. Ўзбекистон шоҳ кўчаси ва Рашидов кўчаси чорраҳаси. Давлат рақами 01 N 849 SA бўлган тўқ рангли Malibu светофорнинг қизил чироғига фақат ўнгга бурилиш учун мўлжалланган йўлакдан тўғрига юриб кетди.
5 март, 17:18. Ўзбекистон шоҳ кўчаси. Давлат рақами 01 Z 672 RA бўлган тўқ кулранг Lacetti кўчанинг қоқ ўртасида юкларини туширмоқда.
7 март, 18:58. Зулфияхоним ва Шайхонтоҳур кўчалари чорраҳаси. Давлат рақами 01 A 989 NA бўлган кулранг Mercedes йўлнинг қарама-қарши йўналишда ҳаракатланиш учун мўлжалланган қисмидан чапга бурилмоқда.
8 март, 22:44. Megaplanet савдо маркази олдидаги чорраҳа. Давлат рақами 01 902 EAA бўлган оқ рангли Spark, давлат рақами 01 J 116 UA бўлган кўк рангли Matiz светофорнинг қизил чироғига қарамай, ҳаракатни давом эттирди.
9 март, 05:02. Амир Темур шоҳ кўчаси ва Шаҳристон кўчалари чорраҳаси. Рақами аниқланмаган, оч рангдаги Matiz светофорнинг тақиқловчи ишорасига қарамай ҳаракатни давом эттирди.
9 март, 05:04. Амир Темур шоҳ кўчаси ва Боғишамол кўчалари чорраҳаси. Рақами аниқланмаган Spark ва Toyota Land Cruiser Prado автомобиллари светофорнинг тақиқловчи ишорасига қарамай катта тезликда ҳаракатни давом эттирди.
12 март, 18:50. Амир Темур шоҳ кўчаси ва Қулоқтепа кўчаларидаги айланма ҳаракат. Давлат рақами 01 K 771 JA бўлган оқ Matiz ва рақамлари аниқланмаган оқ Nexia ва Spark светофорнинг тақиқловчи ишорасига қарамай катта тезликда ҳаракатни давом эттирди.
«Дарё» таҳририяти ушбу қоидабузарликлар борасида Ўзбекистон Республикаси Ички ишлар вазирлигига расман мурожаат қилди ва жавоб олиниши билан сизга батафсил маълумот беради.
Изоҳ (0)