Американинг General Motors автоконцерни дилерлар омборларида сақланаётган автомобилларга чегирма акцияларини жорий қилди, дея хабар бермоқда «Ведомости» ўз манбаларига таяниб. Чегирмалар моделга қараб, 25 фоизгача бўлиши мумкин.
GM’нинг Россиядаги омборларида айни пайтда тахминан 10 мингта Opel ва Chevrolet машиналари сақланмоқда. Автоконцерннинг яна иккита йирик дилерларида 5 мингтадан автомобиль бор. Чегирма кампанияси 2014 йилда ишлаб чиқарилган автомобилларга тегишли бўлади. Компания таклифи шу йилнинг 1 майига қадар амал қилади, бироқ муддат узайтирилиши мумкин.
Эслатиб ўтамиз, аввалроқ Opel ва Chevrolet Россия бозоридан кетишини маълум қилган эди. Бундай қарор 2014 йил охири ва 2015 йил бошидаги ниҳоятда паст савдо даражаси туфайли қабул қилинди.
Изоҳ (0)