Американинг олачипор кўкракли ашулачи қушлари — кичик ўрмон қушлари ашулачи паррандалар ичида рекордчи бўлиб чиқди, деб ёзади «РИА Новости». Улар ҳар йили Жанубий Америкага миграция мавсумида тўхтамасдан 2,7 минг километр масофани учиб ўтади.
АҚШ паррандашунослари буни Канада ва АҚШнинг муътадил кенгликларида ўрмон ашулачи қушлари миграциясини кузатиш йўли орқали аниқлади. Бунинг учун улар қушларнинг белига махсус «рюкзакча»ларни маҳкамлаб қўйди, ундаги ёруғлик приёмники қушларнинг харитадаги ўрнини аниқлаш имконини берди.
Маълум бўлишича, ашулачи қушлар 2,7 километрга яқин йўл босиб, Атлантикадан учиб ўтади ва ушбу саёҳати давомида кечаси-ю кундузи бирор марта тўхтамайди. Бундай узоқ давом этадиган парвоз муваффақиятли кечиши учун қушлар сафар олдидан жуда тўйиб овқатланади, натижада уларнинг оғирлиги деярли уч марта ошади.
Изоҳ (0)