Ўзининг кутилмаган баёнотлар ва хатти-ҳаракатларга мойиллиги билан таниқли бўлган Венесуэла президенти Николас Мадуро 31 март, сешанба куни кўча ўртасида бокс жангига киришиб, яна атрофдагиларни ҳайратга солди, дея хабар бермоқда «РИА Новости».
Бу унинг Кохедес штатидаги шаҳарлардан бирига қилган сафари чоғида содир бўлди. Кўчада ёш боксчи ва хип-хоп усулидаги қўшиқчи Ганди Арочуни учратиб қолиб, Мадуро ўша ондаёқ боксчилар стойкасига туриб олди ва рақибига ҳазоломуз жанг қилишни таклиф этди.
Бокс мутахассислари фикрича, президент Арочу билан жангда машҳур боксчи Муҳаммад Али услубига тақлид қилишга интилди.