Буюк Британия бош вазири Дэвид Кэмерон 7 майни расман бўлажак парламент сайловлари куни деб эълон қилди ҳамда парламентнинг тарқатиб юборилганини ва сайловолди кампанияси бошланганини маълум қилди, дея хабар бермоқда «РИА Новости». У ҳамюртларини ўзи раҳбарлик қиладиган Консерватив партияни қўллаб-қувватлашга чақирди.
Аввалроқ бош вазир Букингем саройига ташриф буюриб, қиролича Елизавета Иккинчи қабулида, анъанага мувофиқ, парламентни тарқатиб юборишга изн сўради. Қиролича вазирга парламент тарқатиладиган сана (30 март) кўрсатилган «қироллик декларацияси»ни тақдим этди.
Изоҳ (0)