АҚШнинг Калифорния штати Сан-Матео шаҳрида яшовчи Шейн Туш исмли оддий электрик Facebook’да фойдаланувчиларнинг ўз жонига қасд қилишлари олдини олувчи тизимнинг қандай ишлашини текшириб кўрмоқчи бўлди, дея хабар бермоқда «Российская газета».
Бунинг учун у ўз саҳифасида хабар қолдириб, гўёки ўзини ўлдирмоқчи эканлиги ва бунга банк кредитини тўлай олмаганлиги сабаб бўлганини тушунтирди.
Facebook’даги эҳтимолий худкушликлар ҳақида хабардор қилиш тизими 2011 йилда ишга туширилган. Одатда янгиликлар лентасида ёки шахсий хабарларида фойдаланувчи дўстларидан бири ўз жонига қасд қилмоқчи эканлигини кўрса, у ушбу хабарни ижтимоий тармоқнинг махсус хизматига жўнатиши мумкин. Сервис ишчилари дастлаб сўровни кўриб чиқиб, сўнг потенциал худкушга кимдир у ҳақда хавотирланаётганини ёзиб, ўз ёрдамини таклиф қилади.
Шейннинг дўстларидан бири хабарни кўриб, уни ижтимоий тармоқ хизматига юборди. Шунда аввалига тажрибачининг саҳифаси блокланди, сўнг Тушнинг уйига полициячилар етиб келди. Эркак ҳуқуқ-тартибот ходимларига бу шунчаки синов эканлигини тушунтиришга ҳаракат қилди, бироқ уларни ишонтира олмади. Шу туфайли фойдаланувчи руҳий касалликлар шифохонасига келтирилиб, у ерда кўплаб процедуралардан ўтиб бўлгунича, уч кун сақланди.
Изоҳ (0)