Тошкентда HTC One mini 2 смартфони 1,5 миллион сўмдан сотила бошлади

Ўзбекистонда HTC One M8 флагман смартфонининг кичрайтирилган версиясининг иккинчи вариацияси сотила бошлади, дея хабар бермоқда «Mobinfo.uz».

HTC One mini 2 4,5 дюймли дисплей, тўрт ядроли Snapdragon 400 процессори, 1 Гб тезкор ва 16 Гб ички хотира (+microSD), 13 мегапикселли асосий ва 5 мегапикселли олд камерага эга.

Қурилманинг аккумулятори сиғими 2100 мА/с га тенг. Телефон Android 4.4.2 KitKat операцион тизимида ишлайди.

HTC One mini 2 ўлчамлари 137,43×65,04×10,6 мм, оғирлиги 137 граммга тенг.

Пойтахтдаги «Флешка» савдо мажмуасида қурилмани 1,5 миллион сўмга харид қилиш мумкин. Таққослаш учун, катта модель — HTC One M8 (16 Гб ) Ўзбекистонда 2,1 миллион сўмдан сотилмоқда.