15 март, якшанба куни ҳолатига сўнгги маълумотларга кўра, Қозондаги «Адмирал» савдо марказида содир бўлган ёнғин натижасида хорижий мамлакатларнинг беш нафар фуқаролари ҳалок бўлди, дея хабар бермоқда «РБК» Татаристон ҳуқуқни муҳофаза қилиш органларига таяниб.
Татаристон соғлиқни сақлаш вазирлиги матбуот котиби қурбонлар орасида Озарбайжон ва Қирғизистон фуқаролари борлигини маълум қилди. Қозон касалхоналарида эса етти нафар хорижликлар қолмоқда, булар — икки нафар Вьетнам фуқароси, уч нафар Озарбайжон, бир нафардан Тожикистон ва Ўзбекистон фуқароларидир.
Қозоннинг «Адмирал» савдо марказидаги ёнғин 11 март куни кундузи бошланди, олов кечқурун 21:30 да ўчирилди. Сўнгги маълумотларга кўра, фожиа қурбонлари сони 17 кишини ташкил этди.
Изоҳ (0)