Better Cotton Initiative (BCI) дастури вакиллари Тошкентда «Ўзбекенгилсаноат» ДАК раҳбарияти билан учрашув ўтказди, дея хабар бермоқда «Газета.uz». Унда икки томонлама ҳамкорлик истиқболлари муҳокама қилинди.
BCI — пахта ўстириш усулларини яхшилаш тарафдори бўлган халқаро нотижорий ташкилот. H&M, Levi’s, Adidas, Nike ва бошқа кўплаб трикотаж маҳсулотлар брендлари BCI дастури бўйича ўстириладиган пахта хомашёсини сотиб олади.
Учрашувда дастур мутахассислари таъкидлаганидек, BCI методологиясини қўллаш ўзбек фермерларига етиштириладиган пахта ҳажмини кўпайтириш имконини беради.