Борис Немцов иши бўйича икки айбланувчидан бири Заур Дадаев ҳуқуқ ҳимоячиларига ўзининг ҳибсга олиниши ҳақида гапириб берди, деб ёзади Meduza. Дадаевнинг сўзларига кўра, у ўз қўли остидаги одамни қутқариш учун иқрор бўлувчи кўрсатмалар берган.
«Ҳибсга олиш чоғида мен ўртоғим, аввал қўл остимда ишлаган Руслан Юсупов билан эдим. Улар айтишдики, мен иқрор бўлсам, уни қўйиб юборишар экан. Шунда рози бўлдим. Униям қутқараман, ўзимам Москвагача эсон-омон етиб оламан, деб ўйладим. Бўлмаса, мен ҳам Шавановнинг ҳолатига тушган бўлардим», — деди Дадаев. Бислан Шаванов, расмий версияга кўра, ҳибсга олиш чоғида гранатадан портлаб кетган.
Ҳуқуқ ҳимоячилари Немцов иши бўйича қолган айбланувчилар билан ҳам мулоқотда бўлди. Уларнинг барчаси айбсиз эканлигини айтиб, ҳибсга олиш чоғида уларни калтаклашгани ва иқрор бўлишни талаб қилишганини маълум қилди.
Изоҳ (0)