Boris Nemsov ishi bo‘yicha ikki ayblanuvchidan biri Zaur Dadayev huquq himoyachilariga o‘zining hibsga olinishi haqida gapirib berdi, deb yozadi Meduza. Dadayevning so‘zlariga ko‘ra, u o‘z qo‘li ostidagi odamni qutqarish uchun iqror bo‘luvchi ko‘rsatmalar bergan.
“Hibsga olish chog‘ida men o‘rtog‘im, avval qo‘l ostimda ishlagan Ruslan Yusupov bilan edim. Ular aytishdiki, men iqror bo‘lsam, uni qo‘yib yuborishar ekan. Shunda rozi bo‘ldim. Uniyam qutqaraman, o‘zimam Moskvagacha eson-omon yetib olaman, deb o‘yladim. Bo‘lmasa, men ham Shavanovning holatiga tushgan bo‘lardim”, — dedi Dadayev. Bislan Shavanov, rasmiy versiyaga ko‘ra, hibsga olish chog‘ida granatadan portlab ketgan.
Huquq himoyachilari Nemsov ishi bo‘yicha qolgan ayblanuvchilar bilan ham muloqotda bo‘ldi. Ularning barchasi aybsiz ekanligini aytib, hibsga olish chog‘ida ularni kaltaklashgani va iqror bo‘lishni talab qilishganini ma’lum qildi.
Izoh (0)