Samsung компанияси ўтган ой охирида ўз дебютини амалга оширган Galaxy J1 смартфонининг янгиланган версиясини тақдим этди, деб ёзади «3dnews.ru».
Galaxy J1 4G тўртинчи авлод LTE мобил тармоғини «кўтара олади». Бундан ташқари, оригинал моделда бўлгани каби Wi-Fi 802.11b/g/n ва Bluetooth 4.0 симсиз алоқа адаптерларига эга.
Смартфоннинг янгиланган версияси тўрт ядроли 1,2 ГГц процессор (базавий версиясида 2 ядроли) асосига қурилган. Яна бир ўзгариш тезкор хотирага тегишли бўлди: у 512 дан 768 мегабайтгача кенгайтирилди.
Қолган хусусиятлар ўз ҳолича қолди: булар 4,3 дюйм 800×480 пикселли дисплей, 5 мегапикселли асосий ва 2 мегапикселли олд камера ва 1800 мА/с сиғимили аккумулятор.
Смартфоннинг ўлчамлари 129×68,2×8,9 мм, оғирлиги 122 граммга тенг. У Android 4.4 (KitKat) операцион тизимида ишлайди. Galaxy J1 4G март ойида кўк, оқ ва қора рангларда сотувга чиқади. Унинг нархи 140 еврога тенг бўлиши кутилмоқда.
Изоҳ (0)