Apple компаниясининг юзлаб ходимлари электромобиль лойиҳасини ишлаб чиқиш билан банд, дея хабар бермоқда The Wall Street Journal ўз манбаларига таяниб. Нашр маълумотларига кўра, лойиҳа Titan деб ном олди, унинг доирасида минивэн шаклидаги автомобиль дизайни устида иш олиб борилмоқда.
Газета таъкидлашича, Apple кўпинча маълум бир маҳсулот яралишига олиб келмайдиган тадқиқотлар билан банд бўлади, бироқ электромобиль лойиҳаси устида ишлаётган гуруҳ ҳажми жиддий ниятдан дарак беради.
Бундан ташқари, The Wall Street Journal сўнгги пайтларда Apple саноат дизайнерлари орасида ўтмишда автобозорга алоқадор бўлган ходимлар пайдо бўлганини ёзмоқда.
Apple’дагилар электромобиль ишлаб чиқилаётгани ҳақидаги хабарларни изоҳлашдан бош тортди.
Изоҳ (0)