Британиянинг Rolls-Royce компанияси Бразилиянинг Petrobras давлат нефть компаниясидаги коррупция билан боғлиқ шов-шувга алоқадор бўлиши мумкин, деб ёзади «Корреспондент.net». Британия корпорацияси порахўрликда айбланмоқда.
Petrobras собиқ бош менежери Педро Баруско полицияга хабар қилишича, Petrobras нефть платформалари учун турбиналар етказиб берувчи Rolls-Royce Бразилия компанияси раҳбариятига ўз агенти орқали пора бериб, эвазига 100 миллион долларлик шартнома сўраган.
Баруско сўзларига кўра, унинг шахсан ўзи пора сифатида камида 200 минг доллар олган. У нефть компаниясининг бошқа сиёсатчилари ва раҳбарлари ҳам пора олганини маълум қилди.
Rolls-Royce вакиллари ҳар қандай ўринсиз ишбилармонлик хатти-ҳаракатларига чидаб турмасликларини ва барча зарур чораларни кўришларини айтди.
Изоҳ (0)