АҚШда 26 ёшли Науже Дрейк исмли аёл тўртинчи фарзандини 7 июль куни дунёга келтириб, оналик бахтига эришди. Бу санада унинг бошқа уч фарзанди ҳам туғилган эди.
Аёлнинг сўзларига кўра, барча туғуруқлар табиий йўл билан ўтган ва олдиндан айнан шу санага режалаштирилмаган.
Кайлов исмли чақалоқ — аёлнинг 7 июль куни туғилган тўртинчи фарзанди бўлди. Унинг катта фарзандлари — Кеван, НаʼЗайла ва Ҳалан ҳам айнан шу кунда туғилган, бироқ турли йилларда.
“Барча фарзандларим бир кунда туғилганига ҳали ҳам ишона олмаяпман. Одамлар менга лотерея ўйнашни маслаҳат беришяпти. Мен болаларимнинг туғилган куни бир хил, десам, ҳамма эгизакларми, деб сўрайди. Мен эса йўқ, улар турли йилларда туғилган, деб жавоб бераман”, дейди она.
Аёлнинг айтишича, у 2022 йил 7 июль куни учинчи фарзанди — Ҳалан туғилаётганда бир оз чўчиган, чунки бундай тасодифга ишонмаган. Аммо 2024 йил 7 июль куни тўртинчи фарзанди ҳам айнан шу санада туғилгач, у бу ҳолатни “бахтли ишора” деб қабул қилган.
Изоҳ (0)