Лондон раҳбарияти биринчи марта электромобилларга такси сифатида ишлашга рухсат берди, дея хабар бермоқда Motor.ru. Лицензияни Frazer-Nash Research ва Ecotive компанияси томонидан ишлаб чиқилган Metrocab модели қўлга киритди.
Ишлаб чиқувчилар таъкидлашича, бу нафақат Лондондаги, балки бутун дунёдаги илк электр таксидир. Электр моторлар ёрдамида ҳаракатланадиган биринчи автомобиллар Буюк Британия пойтахтида аллақачон йўловчи ташишни бошлади.
Metrocab’нинг биринчи ҳайдовчиси Престон Моррис сўзларига кўра, илк мижозларни машинанинг қулайлиги ва текис ҳаракатланиши ҳайратга солган.
Янги автомобилнинг узунлиги 4905 мм, кенглиги 1800 мм, баландлиги эса 1925 миллиметрга тенг.
Таксининг куч қурилмаси бир жуфт электр мотордан иборат бўлиб, уларнинг умумий иш коэффициенти 135 от кучига тенг. Моделнинг йўл юриш захираси 590 километрдан иборат.
Изоҳ (0)