Chevrolet компанияси «тункезар» Silverаdо пикапини намойиш этди

Chevrolet компанияси Silverado пикапининг махсус версияси — Midnight Edition («Тункезар версия»)ни тақдим этди, дея хабар бермоқда «Motor.ru».

Модификация оддий моделдан кузовнинг қора ранги ва ташқи элементлар, жумладан радиатор панжарасидаги марка эмблемаси, фаралар ҳошиялари билан фарқ қилади.

Версия Z21 йўлтанламас комплектациясига асосланди. У тоғдан тушишда кўмак тизими, фаркоп, қизиш функцияси ва электр симларга эга кўзгулар ҳамда Goodyear Wrangler DuraTrac покришкали 18 дюймли қора ғилдирак дисклари билан жиҳозланди.

Chevrolet Silverado пикапи 285 от кучига эга 4,3 литрли В6 двигатели, 355 от кучига эга 5,3 литрли «саккизлик», шунингдек 420 от кучига эга V8 двигателлари билан таклиф этилади. Модель 26,1 минг доллардан 38,3 минг долларгача нархда сотилади.