Chevrolet компанияси премьераси 12 февраль куни Чикагодаги моторшоуда бўлиб ўтадиган ўртача катталикдаги янгиланган Equinox кроссовери ҳақида баъзи тафсилотларни ошкор этди, деб ёзади «Motor.ru». Йўлтанламас ташқи кўриниши ва салонида баъзи ўзгаришларга учради, шунингдек янги функцияларга эга бўлди.
Янги кроссовер эскисидан шакли ўзгарган радиатор панжараси, олд ва орқа бамперлар ҳамда модернизацияланган ёруғлик техникаси билан фарқ қилади.
Рестайлинг қилинган машина ёруғлик диодли кундузги чироқлар ҳамда ўзгача дизайндаги 17 ёки 18 дюймли алюмий дискларга эга бўлди. Автомобилда яна бошқа бир қатор ўзгаришлар мавжуд.
АҚШда кузда сотила бошлайдиган янгиланган Chevrolet Equinox нархи маълум қилинмаяпти. Ҳозирги кроссовер қиймати эса 24 520 доллардан бошланади.
Изоҳ (0)