Хитойда автосалон мижози ўзига ёққан автомобиль учун 20 минг юань миқдоридаги дастлабки тўловни «майда нақд пул» билан амалга ошириш истагини билдирди. Дилер гап қоғоз пул ҳақида кетаётганини тахмин қилиб, рози бўлди. Натижада жами 150 килограмм оғирликдаги 0,1 юань, 0,5 юань ва 1 юанлик тангаларни санаб чиқиш учун дилерлик марказининг саккиз ходими ярим кун сарфлади. Бу ҳақда «Mail.ru» хабар берди.
Харидорнинг айтишича, тангалар унга ўз бизнеси орқали келиб тушган, бироқ унинг қандай бизнес эканлигини ошкор этишни истамади. Энди сотувчилар ғалати мижознинг навбатдаги ташрифини кутмоқда: сумманинг қолганини харидор уч кун ичида тўлаши керак.
Изоҳ (0)