Кореянинг Hyundai Engineering & Construction ҳамда Daewoo International компанияларидан иборат консорциум «Ўзсувэнерго» бирлашмаси билан Сурхондарё вилоятидаги Тўполанг ГЭСида иккита энергоблок (электр энергияси ишлаб чиқарувчи станциянинг ҳар бир мустақил қисми) қуриш ҳақида шартнома тузди. Бу ҳақда Daewoo International вакилига таяниб, «РИА Новости» хабар берди, деб ёзади «Газета.uz».
Шартнома «Ўзсувэнерго» томонидан 2014 йил ўрталарида эълон қилинган тендер якунлари бўйича имзоланди. Унинг қиймати деярли 80 миллион долларга тенг бўлди. Шартномага мувофиқ, консорциум ҳар бири 72,5 МВт қувватига эга иккита энергоблокни тайёр ҳолда топширади. Шартномани амалга ошириш муддати — 45 ой. Лойиҳани амалга ошириш доирасида станцияда электр энергияси ишлаб чиқариш йилига 430 миллион Квт/с га етади.
Изоҳ (0)