Голландия Қироллик футбол федерацияси «ПСВ» ҳимоячиси Етро Виллемснинг қизил карточкасини бекор қилди. Бу қарорга учрашув ҳакамининг ўз хатосини тан олганидан сўнг келинди, деб хабар беради «Stadion.uz».
Воқеа Голландия чемпионатининг 21-турида «НАК» ва «ПСВ» клублари ўртасидаги учрашувда рўй берди. Ҳакам Кевин Блом учрашувнинг 29-сониясидаёқ Виллемсга қизил карточка кўрсатди. Бу голланд футболидаги рекорд натижа эди. Аввалги рекорд 1 дақиқаю, 19 сонияда четлаштирилган «Фейеноорд»нинг ивуарлик футболчиси Бонавентура Калуга тегишли эди.
Видеотакрорда маълум бўлишича, Виллемс рақибига ҳатто тегмаган, рақиб симуляция ишлатган. Видеотакрорни кўрган Блом федерацияга хат ёзиб, хатосини тан олган.
Учрашув 2:0 ҳисобида «ПСВ»нинг ғалабаси билан тугаган.
Изоҳ (0)