АҚШ давлат котиби Жон Керри Ҳиндистонда автоҳалокатга учради

Бугун, 12 январь куни Ҳиндистонда расмий ташрифда бўлиб турган АҚШ давлат котиби Жон Керри минган машина билан йўл транспорт ҳодисаси қайд этилди. Бу ҳақда делегация аъзоларидан бири, Жон Керрининг ёрдамчиси Жен Псакининг сўзларига асосланган Reuters ахборотига таяниб, «Kun.uz» хабар бермоқда.

«Биз Аҳмадобод аэропорти томон ҳаракатланаётган эдик. Йўлда кортеж сафидаги икки машина иштирокида тўқнашув содир бўлди. Улардан бирида Жон Керри ўтирган эди», — деди Псаки.

Ушбу кичик авария натижасида ҳеч ким шикастланмаган, фақат машиналардан бири кортеждан тушириб қолдирилгач, йўлда давом этилган.