Манзура модель қизлар билан иш бошлади

Хонанда Манзура Малайзияда моделлик билан танилаётган Азиза исмли модель билан фотосессия ўтказди, деб хабар беради «Sayyod.com».

Канаки студиясида ўтган бу фотосессия учун либосларга Хилола Шер масъул бўлиб, бўёкорликни доимгидек Манзуранинг содиқ бўёкори Февзи амалга оширди. Суратлардан гўёки икки дугона саунадан ҳозиргина чиқиб келиб, фақатгина бошидаги сочиқни олиш ёддан чиққандек кўринади, дейилади хабарда.

Манзурада модель қизлар билан боғлиқ яна бир янгилик бор: у «Борсан» деб номланган қўшиғига ишланган клипда бош қаҳрамонлардан бирини катта лойиҳаларда қатнашган таниқли модель Анастасия Ковбага ишонди.

1 февралдан бошланадиган уч кунлик яккахон дастурига тайёрланаётган Манзуранинг айтишича, концертда у 100 йил давомидаги барча хитларни тақдим этади.

Бир ойдан кам вақт қолган концерт дастурига тайёргарчилик авжида ва Манзуранинг ҳозирда барча фикр-у хаёли ва, албатта, вақтини узоқ кутилган ва куттирилган концерт дастури билан боғлиқ ташкилий ишлар олмоқда.