Россиялик олимпиада чемпиони Алина Кабаева Москвадаги тамаддихоналардан бирига автомат билан қуролланган бир гуруҳ кишилар ҳамроҳлигида келди, дея хабар бермоқда «Корреспондент.net». Муассаса ташқарисида соқчилик қилаётган автоматчиларнинг расмини шоумен Александр Белов ўзининг Instagram саҳифасида эълон қилди.
Унинг ёзишича, расмда жангчиларнинг фақат ярми акси этган. «Қолганлари кадрга сиғмади, — деб ёзади шоумен. —Мен эринмасдан ичкарига ҳам кириб чиқдим, шунинг учун буни аниқ биламан».
Нашрнинг эслатишича, сентябрь охирида Кабаева Петербургнинг Бешинчи канали, «РЕН-ТВ», «Известия» газетаси, «Русская служба новостей» радиостанцияси ва Биринчи каналга эгалик қиладиган «Национальная Медиа Группа» медиахолдинги раҳбарлигига тайинланган эди.
Изоҳ (0)