Бугун,

  • USD 11095.31
  • RUB 173.84
  • EUR 10772.44

Осиё Футбол Конфедерацияси 29 ноябрь куни Куала-Лумпур шаҳрида бўлиб ўтган Қўмита йиғилишида ЖЧ — 2018 1-саралаш босқичи қуръаси санасини ва саралашнинг механизмини тасдиқлади, деб хабар беради «Uff.uz».

Фото: uff.uz

Фото: uff.uz

Аввалроқ Осиё Футбол Конфедерацияси ЖЧ — 2018 саралаш баҳслари механизмига бир қатор ўзгартиришлар киритгани ва унга кўра ЖЧ — 2018 ва ОК — 2019 саралаш баҳслари бирлаштирилгани ҳақида маълумот берилган эди.

ОФК тасдиқлаган қарорга кўра, ЖЧ — 2018 Осиё қитъаси саралаш баҳслари 1-босқич ўйинларидан бошланади. Ушбу босқичга қуръа ташлаш маросими эса 10 февраль куни бўлиб ўтади. Аммо мазкур босқичда нечта жамоа иштирок этиши ЖЧ — 2018 саралаш баҳсларида қатнашиш учун берилган аризалар сонидан сўнг аниқ бўлади.

Агар ЖЧ — 2018 саралаш баҳсларида айни дамда ОФК тасарруфига кирувчи барча 47 та терма жамоа иштирок этиш истагини билдирса, 1-саралаш босқичида 14 та жамоа еттита жуфтликка бўлинган ҳолда иштирокини бошлайди. Уй-сафар тизимида ўтадиган мазкур босқич ўйинлари 12 ва 17 март кунлари бўлиб ўтади. Ушбу жуфтликларда ғалаба қозонган жамоалар эса навбатдаги босқичга йўл олади. Агарда, саралаш баҳсларида иштирок этиш учун берилган аризалар сони 40 тадан ошмаса, у ҳолда 1-саралаш босқичи ўтказилмайди.

Агар 1-босқич саралаш баҳслари ўтказилмаса, иккинчи саралаш босқичига қуръа ташлаш маросими 17 апрель куни бўлиб ўтади. Ушбу босқичда 40 та жамоа ҳар бир гуруҳда бештадан саккиз гуруҳга бўлинган ҳолда курашни давом эттиради. Ушбу босқичда ҳам ҳар бир жамоа «уй-сафар» тизимида баҳслашади. Яъни ҳар бир гуруҳда жамоалар жами саккизтадан учрашув ўтказади. Гуруҳдаги жамоалар сони тоқ бўлгани учун, ҳар бир турда иккитадан учрашув ўтказилади ва бир жамоа дам олади.

ОФК тақвимига кўра, ушбу гуруҳ ўйинлари 2015 йилнинг 11 июнидан 2016 йилнинг 29 мартигача бўлиб ўтади. Тур ўйинлари бўлиб ўтадиган саналар эса қуйидагича: 11 июнь (1-тур), 16 июнь (2-тур), 3 сентябрь (3-тур), 8 сентябрь (4-тур), 8 октябрь (5-тур), 13 октябрь (6-тур), 12 ноябрь (7-тур), 17 ноябрь (8-тур), 24 март (9-тур) ва 29 март (10-тур).

Гуруҳда биринчи ўринни қўлга киритган саккизта жамоа ва энг яхши иккинчи ўринни қўлга киритган яна тўрт жамоа Осиё Кубоги — 2019 гуруҳ босқичига автоматик равишда йўлланмани қўлга киритади ва ЖЧ — 2018 финал босқичи йўлланмаси учун 3-саралаш босқичида курашни давом эттиради. Иккинчи босқичда сўнгги ўринни эгаллаган жамоалар эса ОК — 2019 финал босқичининг қолган 12 та йўлланмаси учун тўрттадан олтита гуруҳга бўлинган ҳолда курашни давом эттиради. Ушбу олтита гуруҳда биринчи ва иккинчи ўринни қўлга киритган жамоалар ОК — 2019 финал босқичига йўлланмани қўлга киритади. Эслатиб ўтамиз, ОК — 2019 финал босқичида аввалгидек 16 та эмас, 24 та жамоа иштирок этиши тасдиқланган.

Изоҳ
Асосий янгиликлар
Маҳаллий
“Андижонда 127 минг нафар ишсиз фуқаро мавжуд. Ҳар йили яна 50 минг нафар ёшлар меҳнат бозорига кириб келади” — президент 
Маҳаллий
Ўзбекистонда 2 февралдан метан заправкалар фаолияти тикланади
Маҳаллий
Жиззах, Самарқанд, Фарғонада электр тармоғига ноқонуний уланиб, қарийб 250 млн сўм зарар етказган тадбиркорлар ушланди