Биржада 72 миллион доллар ишлаб топгани хабар қилинган нью-йорклик ўсмир Муҳаммад Ислом аслида ҳеч қачон ҳақиқий акциялар олди-сотдиси билан шуғулланмаган. Бу ҳақда унинг ўзи The New York Observer журналига маълум қилди, деб хабар бермоқда ТАСС.
17 ёшли Ислом биржа савдоларига тақлид қилувчи дастурлардагина тажрибаси борлигини маълум қилган. Киритган сармояси фойда келтиргани ёки келтирмагани ҳақидаги саволга Муҳаммад «йўқ» деб жавоб қайтарган. Унинг сўзларига кўра, биржадаги муваффақияти ҳақидаги хабар дастлаб New York нашрининг электрон версиясида чоп этилган, бошқа нашрлар бу хабарни айнан шу ердан олган.
Журналистлар унинг гаплари маъносини бузиб ишлатганини таъкидлаган. Шунингдек, у биржага тақлидчи дастурдаги стратегияси ҳақиқатдан ҳам яхши натижалар келтирганини эътироф этган.
Изоҳ (0)