Дания ва унинг мухторияти Гренландия Денгиз туби бўйича БМТ комиссиясига ўзининг Арктикадаги ҳудудий ҳуқуқларини кенгайтиришни сўраб мурожаат қилди. Шу тариқа, Дания мамлакатлардан биринчи бўлиб Шимолий қутбга бўлган ҳуқуқини талаб қилди ҳамда бу борада Россия ва Канадани ортда қолдирди, деб ёзади Interfax.
Дания ташқи ишлар вазири Мартин Лидегорнинг айтишича, илмий маълумотлар Гренландия континентал шельфи Арктика океани тубидаги тузилмалар билан тўғридан-тўғри боғлиқлигини кўрсатади. Бу эса мамлакатга Гренландия соҳилларидан шимол томонга қараб 900 минг квадрат километр учун даъвогарлик қилишга имкон беради.
Таъкидлаш жоиз, Россия ва Канада ҳам Арктикадаги чегараларини кенгайтириш бўйича БМТ комиссиясига 2015 йилда ариза бермоқчи эди.
Financial Times ёзишича, Копенгаген томонидан амалга оширилган бундай тадбир унинг Россия, Канада ва АҚШ билан муносабатларига путур етказиши мумкин. Экспертлар Арктиканинг тинч йўл билан ўзлаштирилиши якунлангани, энди танглик фақат ўсиб боришидан хавфсирамоқда.
Изоҳ (0)