АҚШ Республикачилар партияси Миллий қўмитаси ходимаси Элизабет Лаутен Обаманинг қизлари Саша ва Малияни «ҳурматсизлик» ва ўз даражаларига номуносибликда айблагани учун узр сўради. Бу ҳақда «РИА Новости» хабар берди.
«Ҳурматли Саша ва Малия, мен сизларнинг қийин ўтиш даврини бошдан кечираётганларингизни тушунаман. Бироқ сизлар давлатнинг биринчи шахслари оила аъзолари ҳисобланасиз, шунга муносиб бўлишга ҳаракат қилинг. Ҳеч бўлмаса, ўйнаётган ролларингизни ҳурмат қилинг», — деб ёзган эди Элизабет ўзининг Facebook’даги саҳифасида. Бундан ташқари, у президентнинг қизларини сипо кийинишга ва телевизион эфирлар вақтида «афтларини буриштирмасликка» чақирган эди.
Элизабетнинг бу гаплари ижтимоий тармоқларда шиддатли танқидларга сабаб бўлди. Республикачилар партияси ходимаси эса ўз пости учун узр сўрашга ва уни ўчириб ташлашга мажбур бўлди.
Изоҳ (0)