КХДР ҳукумати АҚШнинг Фергюсон шаҳрида содир бўлган тартибсизликлар Вашингтон томонидан инсон ҳуқуқлари қўпол равишда бузилганидан дарак беришини айтди. Бу ҳақда Шимолий Корея расмий ОАВларига таяниб, Interfax хабар берди.

КХДР ташқи ишлар вазирлиги вакили баёнот беришича, Фергюсондаги воқеалар «АҚШнинг асл юзини — инсон ҳуқуқлари бузиладиган ва ирқий дискриминация амалга ошириладиган жаҳаннамни кўрсатди». У ушбу тартибсизликлар АҚШдаги инсон ҳуқуқлари муҳофазаси жиддий муаммоларга учраганини кўрсатиб берганини таъкидлади.

Эслатиб ўтамиз, август ойида 18 ёшли қоратанли ўсмирни отиб қўйгани учун қамоққа олинган полициячи Даррен Уилсоннинг оқлангани 25 ноябрь куни эрталаб АҚШнинг Миссури штати Сент-Луис суди прокурори Боб Маккалок томонидан маълум қилинди. Ҳукмдан норози бўлганлар 38 та штатда тартибсизликларни юзага келтирди.