Туркия ғарбидаги Эскишаҳар шаҳрида кўча тозаловчи киши еттинчи қаватдан тушиб кетган тўрт ёшли қизчани тутиб олиб, унинг ҳаётини сақлаб қолди. Бу ҳақда Туркия ОАВларига таяниб, «РИА Новости» хабар бермоқда.
28 ноябрь, жума куни кўча супураётган вақтида Шукру Денизнинг ёнига болалар пойабзали қулаб тушган. «Мен тепага қараб, очиқ дераза токчасида ўйнаб ўтирган қизчани кўрдим», — деди Дениз. У супургини ташлаб, ўша вақтда қулаши муқаррар бўлган қизалоқни тутиб олишга тайёрланган.
Қизча эсон-омон Денизнинг қўлига келиб тушган, бироқ шок ҳолатида бўлгани учун оёғида тура олмаган.
Тўрт яшар Экрен оғир аҳволда шифохонага ётқизилган. 29 ноябрь, шанба куни қизнинг отаси унинг аҳволи яхшиланганини, якшанба куни жонлантириш бўлимидан чиқарилишини маълум қилди.
Изоҳ (0)