Apple iPhone 6 смартфонининг Android’да ишлайдиган нусхаси декабрдан сотила бошланади

Хитойда 4,7 дюймли Apple iPhone 6 смартфонининг Android операцион тизимида ишлайдиган нусхаси ишлаб чиқарилди. Бу ҳақда Phonearena.com сайти хабар берди, деб ёзади «Пароль» нашри.

Ушбу смартфон Dakele 3 деб номланган ва ташқи кўринишидан iPhone 6 смартфони билан бир хил, фақатгина у Android’да ишлайди. Dakele 3 смартфонида 64 бит, саккиз ядроли MediaTek MT6572 процессори, 3 Гб тезкор хотира, 13 мегапикселли асосий камера ўрнатилган.

У Dakele компаниясининг Android KitKat версиясига ўхшаш, махсус интерфейсида ишлайди. Dakele 3 смартфони декабрдан бошлаб сотила бошланади. Унинг барча суратларини «Пароль» нашридаги ушбу фотожамланмада томоша қилсангиз бўлади.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Кўпчилик сенсорли тугмалардан кўра, бармоқ билан сезиш мумкин бўлган тугмаларини маъқул кўриши аниқланди;
• Samsung ҳаракат имконияти чекланганлар учун «кўз сичқончаси»ни ишлаб чиқарди.