Жорий йилнинг тўртинчи чорагида 71,5 миллион дона iPhone смартфонлари сотилиши тахмин қилинмоқда

KGI тадқиқотчилари жорий йилнинг тўртинчи чорагида Apple компанияси 82 фоиз ўсиш қайд этиб, 71,5 миллион дона iPhone смартфонларини сотишини тахмин қилишмоқда. Бу ҳақда Phonearena.com сайти хабар берди, деб ёзади «Пароль» нашри.

Бироқ тадқиқотчиларнинг фикрича, 2015 йилнинг биринчи чорагида iPhone смартфонларининг сотилиши 31 фоизга пастлайди ва тахминан 49,4 миллион дона сотилади.

Шу билан бирга 2014 йилнинг сўнгги уч ойлигида iPhone 6 смартфонлари 41,6 миллион дона, iPhone 6 Plus эса 15,1 миллион дона сотилиши кутилмоқда. Кейинги йилнинг илк уч ойлигида эса ушбу 2,75 га 1 кўрсаткич, 2 га 1 кўринишга келади. Яъни битта сотилган iPhone 6 Plus смартфонига иккита iPhone 6 смартфони тўғри келади.

Мутахассисларнинг фикрича, кейинги йилнинг биринчи чорагида iPhone смартфонларининг сотилиши камайса-да, анча арзонроқ iPhone 5c ва iPhone 4s смартфонлари жорий йилнинг тўртинчи чорагига нисбатан 77,3 ва 58,2 фоизга кўпроқ сотилади.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Дунёдаги энг катта реклама дисплейида Google нималарни кўрсатмоқда (фото);
• Samsung’нинг биринчи телефони ва бу соҳадаги илк қадамлари ҳақида билиб олинг.