Америкалик ошпаз «ақлли» това яратиш учун 38 минг доллар йиғди

Америкалик ошпаз Умберто Эванс «ақлли» Pantelligent товасини ишлаб чиқиш учун Kickstarter краудфандинг сайтида бир неча кун ичида 38 минг доллардан ортиқ маблағ йиғди, дея хабар бермоқда «Российская газета». Қурилма iOS-дастур ёрдамида бошқарилади, унинг ёрдамида ҳар ким ҳам таомларни моҳир ошпаздан аълороқ тайёрлаши мумкин бўлади.

Маблағ тўплаш 42 кундан сўнг тугайди, бироқ лойиҳа зарур бўлган маблағни 8 минг доллар ошиғи билан йиғиб бўлди.

12 дюймли смарт-това ҳарорати датчиги iPhone дастури билан уйғунликда ишлайди, натижада таом пишаётган вақтида куйиб кетмайди: фойдаланувчи гаджетдаги кўрсатмаларга қараб, таомни аралаштириш ёки ағдариш вақти келганини аниқ билиб туради. Pantelligent’ни 15 метр масофадан бошқариш мумкин.