Joriy yilning to‘rtinchi choragida 71,5 million dona iPhone smartfonlari sotilishi taxmin qilinmoqda

KGI tadqiqotchilari joriy yilning to‘rtinchi choragida Apple kompaniyasi 82 foiz o‘sish qayd etib, 71,5 million dona iPhone smartfonlarini sotishini taxmin qilishmoqda. Bu haqda Phonearena.com sayti xabar berdi, deb yozadi “Parol” nashri.

Biroq tadqiqotchilarning fikricha, 2015-yilning birinchi choragida iPhone smartfonlarining sotilishi 31 foizga pastlaydi va taxminan 49,4 million dona sotiladi.

Shu bilan birga 2014-yilning so‘nggi uch oyligida iPhone 6 smartfonlari 41,6 million dona, iPhone 6 Plus esa 15,1 million dona sotilishi kutilmoqda. Keyingi yilning ilk uch oyligida esa ushbu 2,75 ga 1 ko‘rsatkich, 2 ga 1 ko‘rinishga keladi. Ya’ni bitta sotilgan iPhone 6 Plus smartfoniga ikkita iPhone 6 smartfoni to‘g‘ri keladi.

Mutaxassislarning fikricha, keyingi yilning birinchi choragida iPhone smartfonlarining sotilishi kamaysa-da, ancha arzonroq iPhone 5c va iPhone 4s smartfonlari joriy yilning to‘rtinchi choragiga nisbatan 77,3 va 58,2 foizga ko‘proq sotiladi.

Shuningdek, “Parol” nashrida quyidagi maqolalarni ham o‘qishingiz mumkin:

• Dunyodagi eng katta reklama displeyida Google nimalarni ko‘rsatmoqda (foto);
• Samsung’ning birinchi telefoni va bu sohadagi ilk qadamlari haqida bilib oling.