2014 йилнинг 13—19 ноябрь кунлари Operation Smile халқаро хайрия ташкилотининг Сингапур Республикасидаги бўлинмасининг малакали шифокорлари томонидан Республикамиз ҳудудида тиббий кўриклар ва операциялар ўтказилади, дея хабар бермоқда «Соғлом авлод учун» жамғармаси матбуот хизмати.
30 нафар пластик жарроҳ, анестезиолог, ортодантист, педиатр-анестезиолог, педиатр, педиатр-реаниматолог ва бошқа мутахассислар 14 ноябрь куни Тошкент педиатрия тиббиёт институти клиникасида юқори лаб ва қаттиқ танглайнинг туғма нуқсонлари бўлган болаларнинг умумий чуқурлаштирилган тиббий кўригини ўтказди, 15—16 ноябрь кунлари танлаб олинган болаларда жарроҳлик амалиёти ўтказилади.
Сингапур Республикасидан келган ушбу делегация аъзолари ўзлари билан олиб келган дори-дармон ва санитария-гигиена воситалари ёрдамида қўйилган ташхислар асосида беморларни даволади.
Шунингдек, 14 ноябрь куни Соғлиқни сақлаш вазирлигида, «Соғлом авлод учун» фонди ва Operation Smile хайрия ташкилотлари ўртасида янги лойиҳа муҳокамаси ўтказилди.
Изоҳ (0)