Ўзбекистон Республикаси Ички ишлар вазирлиги тизимида бир қанча лавозимларга янги тайинланишлар бўлди. Бу ҳақда «Постда» газетаси хабар берди.
Жумладан, полковник Абдураззоқ Мажидович Қодиров республика ИИВ Жазони ижро этиш бош бошқармаси бошлиғининг ўринбосари, подполковник Музаффар Зиёдуллаевич Зиёдуллаев республика ИИВ Академияси Олий академик курси бошлиғи лавозимига тайинланди.
Шунингдек, подполковник Ғанишер Худойназаревич Қиличев Бухоро вилояти ИИБ бошлиғининг ўринбосари, подполковник Суннатилло Турсунович Тўраев Навоий вилояти ИИБ бошлиғининг ўринбосари, подполковник Фаррух Камолиддинович Ғиёсов Сурхондарё вилояти ИИБ Жиноят қидирув ва терроризмга қарши кураш бошқармаси бошлиғининг биринчи ўринбосари лавозимларига тайинланди.
Изоҳ (0)