Britaniyalik siyosatchi, Buyuk Britaniyaning 61- va 63-bosh vaziri Uinston Cherchill 1947-yilda AQShga murojaat qilib, Sovet Ittifoqiga yadro zarbasini berishni qattiq turib taklif qilgan. Bu haqda AQSh Federal qidiruv byurosi maxfiy hujjatlariga tayanib, Londonning Mail On Sunday gazetasi xabar berdi, deb yozadi “TASS”.
“Cherchillning fikricha, Sovet Ittifoqiga ogohlantiruvchi zarba berish kommunistlar tomonidan G‘arbning bosib olinishiga qarshi yagona chora bo‘lgan”, — deb yozadi nashr. Mail On Sunday Sovet Ittifoqi o‘zining ilk atom bombasini 1949-yildagina yaratib, muvaffaqiyatli sinovdan o‘tkazishi mumkin bo‘lganini, ungacha esa yadro hujumi qarshisida chorasiz bo‘lganini yozadi.
Gazeta qo‘liga kelib tushgan hujjat Buyuk Britaniyada Cherchill va AQSh senatori Staylz Brijes uchrashuvi yakunlari bo‘yicha FQB agenti tomonidan yozilgan hisobotdir. Unda yozilishicha, Cherchill senatordan prezident Trumenni Sovet Ittifoqiga yadro zarbasini berishga ko‘ndirishni qat’iy so‘ragan. Britaniyalik siyosatchi fikricha, shundan so‘ng Sovet Ittifoqi jiddiy xavf solmagan bo‘lardi.
Izoh (0)