«Мулоқот» ижтимоий тармоғи ташкил этган «Мулоқот юлдузи» танлови жорий йилнинг 24 ноябрь куни соат 14:00 да якунланади. Бу танловда биринчи ўринни қўлга киритган иштирокчига Samsung Galaxy S5 смартфони тақдим этилади. Ушбу совринни ютиб олишингиз учун эса сизда тўрт ҳафта вақт қолди!
Аввалроқ «Мулоқот» ижтимоий тармоғининг Android-қурилмалар учун мўлжалланган дастури ишлаб чиқилгани ва «Мулоқот юлдузи» танлови ташкил этилгани ҳақида хабар берган эдик. Ушбу танловда иштирок этиш учун:
- «Мулоқот» ижтимоий тармоғининг Android-дастурини Google Play’дан юклаб олишингиз;
- Унга қизиқарли суратингизни жойлашингиз
- ва «юлдуз»лар тўплашингиз керак!
Ғолибларни тантанали тақдирлаш маросими 7 декабргача Тошкент шаҳрида бўлиб ўтади.
Эслатиб ўтамиз, 14 октябрь ҳолатига кўра ушбу танловда 396 та «юлдуз» тўплаган иштирокчи ҳозирда 700 дан ортиқ «юлдуз» тўплаб етакчилик қилмоқда. Шунингдек, 14 октябрь ҳолатига кўра энг юқори ўнликдаги суратларга жами 1784 та «юлдуз» қўйилган бўлса, орадан икки ҳафта ўтиб юқори ўнлик суратларига жами қўйилган «юлдузлар» сони 2440 тани ташкил қилмоқда.
Ушбу маълумотлардан кўриш мумкинки, икки ҳафта ичида танлов тезлиги деярли икки баробарга ошган ва сиз ҳам айнан ҳозир унда иштирок этишни бошласангиз, кейинги тўрт ҳафта давомида бемалол Samsung Galaxy S5 смартфонини ютиб олишингиз мумкин.
Бунинг учун «‘Мулоқот юлдузи’ танловида ғолиб бўлишнинг бешта усули» номли мақоламиз билан танишишни ҳам маслаҳат қиламиз.Танловда иштирок этиш шартлари билан қуйида танишишингиз мумкин:
- Танловда фақат муаллиф ўзи олган суратлар иштирок этади. Муаллифдан ўзга кишилар томонидан олинган суратлар танловда иштирок этишига йўл қўйилмайди;
- Бир аъзо бир неча сурат жойлаши мумкин, аммо унинг битта — энг кўп «юлдуз» тўплаган сурати танловда иштирок этади;
- Танловда Ўзбекистон қонунлари ва одоб-аҳлоқ нормаларига зид суратлар иштирок этиши тақиқланади. Бунда суратлар жойланган тақдирда сурат ўчириб ташланади ва аъзо танловдан четлатилади;
- Танлов иштирокчиси «Мулоқот»да ўз асл исми ва фамилиясини кўрсатиши шарт. Асл исм-фамилиясини кўрсатмаган иштирокчилар танловдан четлатилади;
- Танловда бир паспорт эгаси фақат битта профил билан қанташиши мумкин;
- Танлов ғолибига айланган аъзолар «Мулоқот» ижтимоий тармоғи орқали огоҳлантирилади. Танлов тақдирлаш маросимида иштирок этмаган ғолиблар танловдан четлатилади;
- Танлов совғаларининг пулли эквиваленти тўланмайди;
- Танлов ташкилотчиси Simple Networking Solutions ҳисобланади;
- Танловда иштирок этган суратлар Ташкилотчи мулки ҳисобланади ва Ташкилотчи суратдан исталганча фойдаланиш ҳуқуқига эга;
- Ташкилотчи томонидан аввал уюштирилган танловларда ғолиб бўлган кишилар ушбу танловда иштирок этиши тақиқланади;
- Танловда Ташкилотчи ва уларнинг яқин қариндошлари қатнашиши мумкин эмас;
- Танловда иштирок этган аъзо ўз шахсий маълумотларини Ташкилотчи томонидан қайта ишланишга рухсат беради;
- Танловда иштирок этган аъзо автоматик тарзда ушбу қоидаларга розилик билдиради;
- Юқоридаги шартларни бажармаган иштирокчилар танловдан четлатилади.
Танловда иштирок этиш учун қўлланма:
«Мулоқот» ижтимоий тармоғининг мобил дастурини Google Play’дан юклаб олишни унутманг! Танловдаги иштирокингизда омад тилаймиз :)
Изоҳ (0)