“Muloqot” ijtimoiy tarmog‘i tashkil etgan “Muloqot yulduzi” tanlovi joriy yilning 24-noyabr kuni soat 14:00 da yakunlanadi. Bu tanlovda birinchi o‘rinni qo‘lga kiritgan ishtirokchiga Samsung Galaxy S5 smartfoni taqdim etiladi. Ushbu sovrinni yutib olishingiz uchun esa sizda to‘rt hafta vaqt qoldi!
Avvalroq “Muloqot” ijtimoiy tarmog‘ining Android-qurilmalar uchun mo‘ljallangan dasturi ishlab chiqilgani va “Muloqot yulduzi” tanlovi tashkil etilgani haqida xabar bergan edik. Ushbu tanlovda ishtirok etish uchun:
- “Muloqot” ijtimoiy tarmog‘ining Android-dasturini Google Play’dan yuklab olishingiz;
- Unga qiziqarli suratingizni joylashingiz
- va “yulduz”lar to‘plashingiz kerak!
G‘oliblarni tantanali taqdirlash marosimi 7-dekabrgacha Toshkent shahrida bo‘lib o‘tadi.
Eslatib o‘tamiz, 14-oktabr holatiga ko‘ra ushbu tanlovda 396 ta “yulduz” to‘plagan ishtirokchi hozirda 700 dan ortiq “yulduz” to‘plab yetakchilik qilmoqda. Shuningdek, 14-oktabr holatiga ko‘ra eng yuqori o‘nlikdagi suratlarga jami 1784 ta “yulduz” qo‘yilgan bo‘lsa, oradan ikki hafta o‘tib yuqori o‘nlik suratlariga jami qo‘yilgan “yulduzlar” soni 2440 tani tashkil qilmoqda.
Ushbu ma’lumotlardan ko‘rish mumkinki, ikki hafta ichida tanlov tezligi deyarli ikki barobarga oshgan va siz ham aynan hozir unda ishtirok etishni boshlasangiz, keyingi to‘rt hafta davomida bemalol Samsung Galaxy S5 smartfonini yutib olishingiz mumkin.
Buning uchun “‘Muloqot yulduzi’ tanlovida g‘olib bo‘lishning beshta usuli” nomli maqolamiz bilan tanishishni ham maslahat qilamiz.Tanlovda ishtirok etish shartlari bilan quyida tanishishingiz mumkin:
- Tanlovda faqat muallif o‘zi olgan suratlar ishtirok etadi. Muallifdan o‘zga kishilar tomonidan olingan suratlar tanlovda ishtirok etishiga yo‘l qo‘yilmaydi;
- Bir a’zo bir necha surat joylashi mumkin, ammo uning bitta — eng ko‘p “yulduz” to‘plagan surati tanlovda ishtirok etadi;
- Tanlovda O‘zbekiston qonunlari va odob-ahloq normalariga zid suratlar ishtirok etishi taqiqlanadi. Bunda suratlar joylangan taqdirda surat o‘chirib tashlanadi va a’zo tanlovdan chetlatiladi;
- Tanlov ishtirokchisi “Muloqot”da o‘z asl ismi va familiyasini ko‘rsatishi shart. Asl ism-familiyasini ko‘rsatmagan ishtirokchilar tanlovdan chetlatiladi;
- Tanlovda bir pasport egasi faqat bitta profil bilan qantashishi mumkin;
- Tanlov g‘olibiga aylangan a’zolar “Muloqot” ijtimoiy tarmog‘i orqali ogohlantiriladi. Tanlov taqdirlash marosimida ishtirok etmagan g‘oliblar tanlovdan chetlatiladi;
- Tanlov sovg‘alarining pulli ekvivalenti to‘lanmaydi;
- Tanlov tashkilotchisi Simple Networking Solutions hisoblanadi;
- Tanlovda ishtirok etgan suratlar Tashkilotchi mulki hisoblanadi va Tashkilotchi suratdan istalgancha foydalanish huquqiga ega;
- Tashkilotchi tomonidan avval uyushtirilgan tanlovlarda g‘olib bo‘lgan kishilar ushbu tanlovda ishtirok etishi taqiqlanadi;
- Tanlovda Tashkilotchi va ularning yaqin qarindoshlari qatnashishi mumkin emas;
- Tanlovda ishtirok etgan a’zo o‘z shaxsiy ma’lumotlarini Tashkilotchi tomonidan qayta ishlanishga ruxsat beradi;
- Tanlovda ishtirok etgan a’zo avtomatik tarzda ushbu qoidalarga rozilik bildiradi;
- Yuqoridagi shartlarni bajarmagan ishtirokchilar tanlovdan chetlatiladi.
Tanlovda ishtirok etish uchun qo‘llanma:
“Muloqot” ijtimoiy tarmog‘ining mobil dasturini Google Play’dan yuklab olishni unutmang! Tanlovdagi ishtirokingizda omad tilaymiz :)
Izoh (0)