ЖАР миллий терма жамоаси дарвозабони ва сардори Сензо Мейива қурол ёрдамида отиб ўлдирилди. 27 ёшли футболчи шифохонага етказилганида, врачлар унинг ҳалок бўлганини маълум қилган, деб хабар бермоқда Stadion.uz.
Ушбу воқеа Йоханнесбургга яқин жойда, тахминларга кўра, Мейиванинг қайлиғи уйида содир бўлган. Номаълум икки шахс уйга бостириб кирган ва учинчиси ташқарида қолган. Ўқ узилганидан кейин учаласи ҳам қочиб қолган. Маҳаллий ОАВ тахминига кўра, бостириб кирганлар уйни ўмармоқчи бўлган. ЖАР полицияси қотиллар ҳақидаги ҳар қандай маълумотни тақдим этган шахсга 14 минг доллар мукофот ваъда қилмоқда.
Таъкидлаш лозим, Мейива шанба, 25 октябрь куни «Орландо Пайретс» клуби сафида ўйин ўтказган. Шунингдек, у ЖАР миллий терма жамоаси таркибида Африка миллатлар кубоги саралаш босқичи доирасида 4та ўйинида майдонга тушган.
Изоҳ (0)