Жанубий Кореянинг Инчеон шаҳрида давом этаётган ПараОсиё ўйинларида делегациямиз ҳисобидаги олтин медаллар сони 13 тага етди. Бу ҳақда Olamsport.com хабар бермоқда.
Сузиш бўйича ўтказилаётган мусобақаларда Ўзбекистон шарафини ҳимоя қилаётган Кирилл Панков энди 200 метр масофага эркин усулда сузиш баҳсларида олтин медални қўлга киритди.
Бу йўналишда эронлик Воҳид Кешткар кумуш, унинг жамоадоши Муҳаммадҳусайн Каримий бронза медалига сазовор бўлди.
Панков бундан аввал 50 ва 100 метр масофага эркин, 100 метрга чалқанча усулда сузиш бўйича ПараОсиё ўйинларининг олтин медалларига сазовор бўлган эди. Ҳозирга келиб Ўзбекистон спортчилари 13 та олтин, 2 та кумуш ва 1 та бронза медалини қўлга киритган ҳолда умумжамоа ҳисобида 4-ўринда боришяпти.
Изоҳ (0)