АҚШда Ebola.com интернет-домени Blue String Ventures компанияси томонидан 200 минг долларга сотиб юборилди, дея хабар бермоқда Британиянинг The Independent нашри. Уни марихуанадан тиббий мақсадда фойдаланишни тарғиб қилувчи Weed Growth Fund фирмаси харид қилди.
Blue String Ventures ушбу доменни 2008 йилда 13,5 минг долларга сотиб олган ва шундан буён унга эгалик қилиб келган. Ebola.com домени нархининг ўсишини Эбола вируси тарқалиши билан боғлашмоқда. Компания хўжайини Жон Шульц сўзларига кўра, ушбу доменда жойлашган сайт ташрифчилари сони кунига 5 миллион кишига етган.
Бутунжаҳон соғлиқни сақлаш ташкилоти маълумотларига қараганда, 25 октябрь ҳолатига кўра, Эбола безгагидан 4922 киши вафот этган. Шундан 4912 киши Либерия, Гвинея ва Сьерра-Леоне мамлакатларида нобуд бўлган. Испания, АҚШ ва Малида ҳам ушбу безгакдан вафот этиш ҳоллари қайд этилган.
Изоҳ (0)